Experientscha. Engaschament. Grischun.
Valérie
en la
Regenza
Valérie Favre Accola
en la Regenza!
Experientscha. Engaschament. Grischun.
Sco presidenta dal Cussegl grond, deputada al Cussegl grond e prefecta da Tavau enconusch jau las dumondas e ils giavischs da noss chantun da l’emprima maun. Dapli che 20 onns en la politica m’han mussà: bunas soluziuns naschan cur ch’ins tadla e cur ch’ins metta maun. Sco presidenta d’in club d’unihockey, en la promoziun dal sport da giuventetgna u en l’engaschament per la protecziun da l’uffant – jau m’engaschel là nua che quai quinta. Cun la medema consequenza m’engaschel jau per il turissem, il commerzi, l’agricultura, abitaziuns pajablas e regiuns fermas. Noss chantun è multifar, triling ed unic. El merita ina regenza che enconuscha questa varietad e che s’engascha per tut las regiuns. Per quai candidesch jau.
Persunal
Jau sun creschida si a Tavau. Mes vacanzas da scola hai jau savens passentà sin il manaschi agricul da muntogna da mes tats e tatta a Schuders. Il temp en il uigl, la lavur or en la natira ed il sguard en las muntognas m’han furmà. Là hai jau emprendì gia baud quant impurtants che la genuinitad, la reliabilitad ed il spiert da cuminanza èn. Oz viv jau cun mes um Pauli a Tavau. Noss trais uffants èn creschids. Per mai signifitga famiglia sustegn, fidanza e discurs sincer. Ella ma tegna cun ils pes sin terra, ma dat forza e ma regorda tge che quinta propi en la vita. Ella è er mia motivaziun da m’engaschar en il sectur da la protecziun da l’uffant.
Energia charg jau en la natira – cun ir a viandar, a skis u simplamain cun esser en via ordadora. Il sport m’accumpogna dapi adina. El collia persunas, procura per equiliber e transmetta “fairplay” sco er perseveranza. Perquai m’engaschel jau dapi onns sco presidenta dal club UHC NLB Davos Klosters Iron Marmots e sco directura da la Fundaziun Paul Accola spezialmain per la promoziun dal sport da giuventetgna. Jau viagesch gugent ed inscuntr autras regiuns e culturas cun avertadad e mirvegli.
Novas perspectivas schlargian l’orizont e relativeschan tschertas chaussas. A medem temp vegn jau adina puspè conscienta quant speziala e vivibel che nossa patria e noss valurs èn.
Jau surpigl gugent responsabladad e na perdel dentant betg il senn per l’umur. Per mai tutgan disciplina ed engaschament tuttina sco cordialitad ed ina tscherta levezza. Forsa gist perquai ma sent jau uschè profundamain engraschia en noss chantun multifar e viv.
Mes accents politics
-
Regiuns fermas
Per in svilup durabel en tut las regiuns. Il chantun definescha las cundiziuns generalas, las vischnancas concepeschan. Naginas soluziuns tenor il princip da repartiziun eguala.
-
Regulaziun consequenta dal luf
Per ina regulaziun effizienta e consequenta dals animals da rapina gronds. La quità da la populaziun èn giustifitgadas – la regenza sto agir pli decididamain.
-
Abitaziuns pajablas
Per abitaziuns pajablas per indigens e persunas spezialisadas. Accelerar massivamain las proceduras da permissiun e nizzegiar las pussaivladads existentas.
-
Economia & IPM
Per main birocratica e proceduras pli sperts, uschia che IPM e interpresas da mastergnanza han spazi d’agir empè da muntognas da documents.
-
Agricultura ferma
Per ina agricultura productiva sco basa da la colonisaziun decentrala e da la cultivaziun da las alps en noss chantun.
-
Ovras idraulicas
Per in avegnir segir, fidabel ed independent da nossa producziun d'energia idraulica. Quest sectur è d'impurtanza decisiva (tschains d'aua) per il bainstar da tut las vals dal chantun e per las perspectivas da svilup.
-
Rinforzar las famiglias
Per cundiziuns favuraivlas per famiglias en il Grischun. Famiglias dovran abitaziuns pajablas, bunas scolas, ina provediment medical decentral e pajabla sco er la libertad da tscherner sezs lur model da vita.
-
Protecziun da la maioritad dals chantuns
Contracts che intervegnan profundamain en noss sistem e cumpetenzas chantunalas dovran la maioritad dals chantuns.
-
Contracts cun l’UE
Cunter ils novs contracts cun l’UE, perquai ch’els sutminan las cumpetenzas chantunalas en l’economia, l’energia, il traffic e l’agricultura. Precis il Grischun è pertutgà directamain.
-
Svizra da 10 milliuns
Per l’iniziativa da persistenza, per che nus possian puspè diriger sezs l’immigraziun. La dumonda centrala è: Tgi decida en l’avegnir davart la creschientscha – nus en Svizra u auters? Jau vi che la Svizra mantegna il control.